Nongnah

Ka shnong Nongnah ka hap hapoh ka Ranikor C&RD Block. Ka don kumba 30kms na ka shnong Mawkyrwat. Bad ka long kawei na ki shnong kaba itynnad tam jong kito ki thain. Na kliar jong kane ka shnong lah ban iohi kyndiang ia ki sawdong sawkun, ki them, ki jaka madan, ki wah ka Bangladesh bad ki lum Himalaya. Ha kane ka shnong ka don ka krem kaba jrong tam ha ri lum Khasi.

Lum Iawpaw:
La tap ia u lum Iawpaw da bun jait ki jait jingthung. U jingthung uba kongsan ha une u lum ki kynthup ia ki jingrep kwai, tympew, sohmarit, sohmarit khlaw, ka shriew, sohmanir bad kiwei kiwei. Naduh u bnai Nailur haduh u bnai Rymphang da ki hajar tylli ki jait sim bapher bapher ki ju wan poi sha une u lum bad suki suki ki hiar sha ki thain Bangladesh.

Thlong Blei:
Thlong Blei ka don ha lynti sha Balat. Ka don ha khlieh jong u mawsiang. Ia kane ka jaka ki khot ka Thlong Blei namar ba ka long kum u thlong bad ki umpohliew ki tuid baroh shi snem. La ngeit ba u Lei Iawpaw u ju wan ban sum ha kane ka jaka. Ki briew ruh ki ngeit ba ym dei ban sum ne pynjakhlia ia kane ka umpohliew lymda kumta U Blei yn pynshitom ne pyniap ia ki briew kiba leh kumta. La ngeit ruh ba u Ksan Iawpaw u dei u khun khatduh jong u Lei Iawpaw uba sumar ia kane ka jaka. Ka don ka jaka phlang kaba heh bha hajrong jong une u lum.

Ka Sympier:
Sha thain sepngi jong ka Thangrai la don u maw, bad na kane ka jaka la mih umpohliew. Ka dei ruh ka jaka bam khana sngewbha ki briew. Kane ka jaka ka ju pynthame bha ia ki briew ba nabar jylla namar ba ki la ban iohi ia ki kshaid, ki riat bad ki wah Ri Lang.

The Lum Disohphe:
Une u lum long uba jrong tam ha Iawpaw bad nangne u lum ngi ioh ia ka jingitynnad jong ka Ri Bangladesh bad ka shnong Riwar.

Krem Mawtynhiang:
Ka krem Mawtynhiang ka don sha ki thain sepngi jong ka shnong Nongnah. Kane ka long shaphang jong ka kut noh jong u lum Iawpaw. Ha ka aiom pyrem, ka long ka por kaba bha tam ban wan jngoh kai shane, ba ngi lah ban iohi kham bha ia ka ri Bangladesh bad ka wah Kynshi.

Ka Mawkham:
Ka Mawkham la don ha tynrai jong u lum Iawpaw. Ha ki bnai Lber bad Iaiong, da ki hajar ngut ki paid bynriew muslim ki wan hiar shane ban pynlong jingmane ka jong ki. La rakhe ia ka jingmane jong ki ha ki sngi Iew Bannit, ba ju long shisien shi snem. Ki muslim ki ngeit ba ynda dih ia ka um ba mih na ka umpohliew hangne, ki jingpang jong ki kin jah lut.

Kumno ban poi: