Jakrem Umshit (Hot spring):
Kane ka jaka ka jngai kumba 15kms na Mawklyrwat bad 60kms na Shillong. Ha ka aiom tlang, ki briew ki ju sngewtynnad ban wan sha kane ka jaka. Bun ruh ki ngeit ba ynda la sum la sleh da kane ka umshit, ka iarap shibunia ka met ka phad jong ki.
Lum Symper:
Une u lum u don kumba 50kms na Shillong bad u don sha phang sepngi. Une u lum u long uba kham phylla ha ka jingwan dur. Na jrong une u lum lah ban iohi ia ka shnong Mawkyrwat bad ki jaka ha khap.
Ka Wah Umngi:
Ka ka jaka jngai kumba 18kms na Mawkyrwat. Ki briew ruh ki ju wan bam khana bha hangne. Hapdeng kane ka wah ka don ka dewlynnong ba shait pynlong jinglehkai ‘volleyball’. Ka long ka wah kaba jrong tam ha Mawkyrwat bad ka sdang na Sohiong, ka iaid shaduh sha wah Umpung. Ka long ka wah kaba itynnad bha, kaba don shibun ki maw siang heh bad bar it.
Krem Phlangja Ud:
Ka long kumba 16kms na Mawkyrwat, ka don hajan ki thain shnong Rangmaw. La don ki maw ba . hajrong kaneka krem la don ki jaka ba jyrngam na kaba ngi la ban iohi ruh ia ki madan lyngkha Bangladesh. Ka jingjrong kane ka krem ka long kumba 600ms.
Lum Rilang:
Ha ka shnong Mawranglang la don une u lum uba jngai kumba 5kms na Mawkyrwat, u long u lum uba itynnad badu don ha ka lynti iaid Nongstoin-Mawkyrwat. Kadei ruh ka jaka bam khana.
Tynrong Synrang Murin:
Kane ka jaka ka don ha shnong Mawten bad ka la jngai kumba 2kms na Mawkyrwat. Ka la long ka jaka madan kaba itynnad haduh katta kata, ba bun ki briew ju wan jngoh kai. Na sha liang sepngi la don ruh ka krem.
Maw Bombell:
Une u maw u la don ha Mawten, u jngai kumba 3kms na Mawkyrwat. U long u maw uba itynnad bad u la wan dur kum ka miej.
Krem Synrangbah:
Kane ka krem la don ha shnong Nonglang, 3kms na Mawkyrwat. Ka surok Mawkyrwat-Photjaud ka iaid lyngba kane ka krem. Ka krem ka la long ka jaka rieh slap ia ki nongrep bad ki masi ki blang. La bun ruh ki langbadur hapoh kane ka krem.
Kshaid Dongnob:
Ka kshaid Dongnob ka don ha shnong Photjaud kaba la jngia kumba 8kms na Mawkyrwat. Ha por tlang, la ban iohi ia kawei ka krem kaba don hapdeng kane ka kshaid, bad la ban iohi ruh ia ki jingphalang jong ka kjatsngi.
U Maw Synrang Sngi:
Une u mawla don ha ka shnong Mawten, la jngai kumba 8kms na Mawkyrwat. U long ruh umaw uba iarap tip ia ka por sngi namar ba ha ka por ba la noh ka sngi, ki kjat sngi it hap ha une u maw. Kumta ruh ki nongrep haba iohi ia kane ki la tip ba la dei por leit phai ing.
Tynrong Manbasa:
Une u maw la don ha ka shnong Rangmaw, ba la jngai kumba 8kms na Mawkyrwat. ha ki por hyndai, ha kane ka jaka la ju leh niam leh rukom da kaba mane ia une u maw.
Tynnai:
Ka Tynnai la jngai kumba 12kms na Mawkyrwat. Ka long ka jaka kaba madan bad ioh lad ban jngoh kai ia ki wah ki lyngkha ka Bangladesh bad ka shnong Riwar.
Lum Kyllai Lyngsngun:
Ha lynti Mawkyrwat-Phlangdilong,la don u Lum Kyllai Lyngsngun. U la jngai kumba 35kms na Mawkyrwat. Une u Lum la tap da ki dieng tlai, bad la pynwan duria une u lum kumba don ka khlaw hajrong une.
Iawpaw:
Ka don ha ka shnong Nongnah, kaba la jngai kumba 30kms na Mawkyrwat. Ka long kawei na ki ka shnong kaba itynnad bha ha ka jylla Meghalaya. Da ieng na kane ka jaka, ngila ban jngoh kai ia ki lyngka madan bad ki wah jong ka Ri Bangladesh, bad ki lum jong ki Himalayas. Hangne la don ka krem kaba jrong tam ha Ri Khasi.
Ranikor:
Ka shnong Ranikor la jngai kumba 45kms na Mawkyrwat. Ka ktien ‘Rani’ ka mut ka Syiem bad ‘Ghor’ ka mut ka Ing. Ha kip or hyndai,ka la dei ka jaka shong pyngngad jong ka Syiem Maharam. Ka la don hajan ka wah bad lajan bha bad ka Ri Bangladesh. Ha kane ka wah,la don ka jingkieng Borba Singh. Lah ban lap ki dohkha ba bun jait bad ka dohkha Golden Mahasheers ka long kawei na ki. Namar ba kadei ka jaka ba shait wan kai bha ki nongjngoh pyrthei, ka sorkar ka ju pynlong ia ki aiom leh kmen.
Gomaghat:
Ka shnong Gomaghat la jngai kumba 5kms na Ranikor. Ka ju long ka iew iadie ia thied hapdeng Ri Bangladesh bad ka Ri India. Hangne julong ruh ka jingiaid pilgrim jong ki Muslim. Man la u snem, ju don iew kaba iaid lynter 3 sngi kynthih kaba ki khot ka ‘Iew Banit’. Kane ka iew ka long kaba pawnam bha hapdeng ki nongshong shnong kiba ju wan ban ia thied jingthied.