PMAY-G

Ka skhim ai ing lane jaka sah ka la sdang ha Ri India naduh ka por ba ka ju jia ka jingpynkynriah ia ki nongphetwir ha ka Ri, kata hadien ka Jinglaitluid ka Ri. Bad la buh ruh ha khmat da ka Sorkar kum kawei na ki lad ban rad dyngkhong ia ka jingduk. Ka Skhim ing, kadei ka skhim kaba na lade bad la sdang kum ka Indiara Awaas Yojan ha u January jong ka snem 1996. Watla ka IAY ka khmih biang biang tang na ka bynta ka lad ai jjingiaram ing ha nongkyndong hynrei ka don ruh shibun ki jingduna katkum ka jingpeit bad bishar bniah da ka ophis Comptroller and Auditor General of India ha ka snem 2014. Kum ka jingbym don lypa ka jingpule bniah ia ki bym don ing, ka jingshai ha ka jingjied, ka jingshna paka ia ki ing ryngkat ki bor peit, ka jingbym lah ban bynrap lem bad kiwei ki skhim, jingbym ioh jingiarap kum ka loan da ki nongioh skhim, ka jingbym lah bha ban peit pyrman ia ka jingpyniaid, baroh kine ki long ki daw ban nym lah ban bha ban pynlong ia kane ka skhim ban iaid kumba la thmu. Ban bynrap halor kine kiei kiei bad ban wanrah ia ka jingpyntrei ha ka rukom kaba dei eh, ka Sorkar ka la pynkylla noh ia ka IAY sha ka Pradhan Mantri Awaas Yojana- Gramin (PMAY-G) ha ryngkat ka jingthmu “Ing na ka bynta baroh” ha u snem 2022. Ka PMAY-G ka ailad ban ioh ing sah ia ki longing ba duk bym don ing lane kiba kiba sah ha ki ing kibym biang bad ban ai ruh ia ki jingdonkam kiba dei ban don ha ki ing ki sem. Ka thong kaba ha khmat eh jong ka PMAY-G ka long ban ailad jingiarap ing sah sha 1 klur ki long ing ha naduh u snem 2016-17 haduh 2018-19. Ka jingheh jong ka ing ruh la pynkylla noh na ka 20 mitar sawdong sha ka 25 mitar sawdong ryngkat ka jaka shet. Ka lad jingiarap ruh la pynheh, kata na ka Rs. 75,000/- sha ka Rs. 1,30,000/- na ka bynta ki ri lum. Ki nongioh ia kane ka skhim kin ioh jingiarap pyntrei ruh na ka skhim MGNREGA, kata 95 sngi ki sngi trei. Ia ka ba shna ia ki painkhana yn leh na ka skhim SBM-G lane MGNREGS lane na kiwei kiwei ki lad. Ka PMAY-G kan long beit tang ia ka ing. Kiba ioh PMAY-G ki dei ruh ban ioh ia ka lad jingiarap pynioh um bam, ka light, ka Gas shet,bad kiwei kiwei ki jingdonkam na ka Sorkar.

Ki nongioh jingmyntoi:

Ki longing nongkyndong ki bym don ing ne jaka sah kaba biang

Ki jingmyntoi:

Ka skhim ka ai jingiarap pynioh jaka sah ne ka ing ryngkat ki jingdonkam ba donkam eh ha ka ing. Ai kam bylla ruh lyngba ka MGNREGA