NSAP

Ia ka NSAP la thaw da ka Sorkar India ha ka Idependence jong u snem 1995 da ka jingthmu ban kyrshan ia kito kiba duk na nongkyndong ha ka dur ka jingiarap tyngka.

Ki Scheme na ka Sorkar India Ryngkat ka Sorkar Jylla:

1. INDIRA GANDHI NATIONAL OLD AGE PENSION SCHEME (IGNOAPS)
   Ka Scheme Tymmen. Kaba ai jingiarap kum ka pension na ka bynta ki briew kiba la dap 60 snem karta shaneng.
   Ka dor jong ka Pension:
   Rs. 500 (san spah tyngka) shibnai ia kiba 60-79 snem ka karta
   Rs. 550 (san spah san phew tyngka) shibnai ia kiba 80 snem karta shaneng.

2. INDIRA GANDHI NATIONAL WIDOW PENSION SCHEME (IGNWPS)
   Ka Scheme ia kiba la khlad u lok. Ka jingiarap kyrpang ia ka longing hadien ba u Kpa u la khlad noh ha ka dur jong ka pension ba Rs. 500/- (san spah tyngka) shi bnai. Rs. 550 (san spah san phew tyngka) haba la kynjoh 80 snem ka karta.

3. INDIRA GANDHI NATIONAL DISABILITY SCHEME (IGNDPS)
   Ka Scheme ai jingiarap ia u/ka briew kiba don ka jingduna ha ki dkhot met. Ka jingiarap ha ka dur jong ka pension ba Rs. 500/- (san spah tyngka) shibnai bad Rs. 550 (san spah san phew tyngka) haba la kynjoh 80 snem ka karta.

4. NATIONAL FAMILY BENEFIT SCHEME (NFBS)
   Ka NFBS kadei ka Scheme na ka Sorkar India kaba ai jingiarap shisien sha ka longing kaba u/ka nongkamai ka ing (bread earner) u/ka la khlad noh (18-60 snem ka karta) . Ka jingiarap ba kham kyrkieh ha ka dur jong ka jingnoh pisa ba Rs. 20,000/- ( ar phew hajar tyngka) sha kata ka longing.

Kumno ban ioh ia kitei ki Scheme?

Ai jingtip na ka bynta kawei pa kawei ka jingdon katba kum kitei ki Scheme sha ka Ophis U Block Development Officer (BDO) lyngba u Myntri/Sordar/Secretary/Nongsynshar Shnong, khlem da ap ia ka jingwan survey. Ia ki form kiba biang bad jingbatai yn sa iarap ban ai sha phi.

Kaei kaba donkam?

1. Dei ban long na ka longing kiba duk (BPL)
2. Dei ban long u nongshong shnong ba pura jong kano kano ka shnong ryngkat ki kot pynshisha kum ka EPIC.
3. Dei ban ioh ia ka jingmynjur na ki bor synshar shnong.
4. Ym lah ban pynmih bujli hadien ba u ne ka nong ioh pension u/ka la khlad noh (IGNOAPS/IGNDPS/IGNWPS)
5. Dei ban plie account hapoh bank khnang ba ka jingsiew kan kham sted bad kham suk.

Ka Jingmyntoi jongphi. Wat nym pynsepei ia ka.

Ki nongioh jingmyntoi:

kiba la dap 60 snem shaneng, kiba duna dkhot met, kiba la khlad noh u kpa, kiba la khlad noh u/ka nongkamai ka ing

Ki jingmyntoi:

Jingiarap tyngka ha ka dur ka pension bad ka jingiarap pisa ba kyrkieh haba wan jia ki jingsngewsih.