Ka jingpynsngewthuh paidbah bad ka jingpynkhuid shnong ha Iew Mawkyrwat

Mawkyrwat June 7,2018:- Ka Mawkyrwat Town Komiti ryngkat bad ki Bor pyniaid Distrik, ka District Swacch Mission bad ka Basin development Unit jong ka Mawkyrwat ka la pynlong mynta ka sngi ia ka Jingpynshai Paidbah bad kumjuh ruh ka Jingpynkhuid shnong ha Iew Mawkyrwat haba i Kong I. Laloo, Deputy Commissioner ka South West Khasi Hills Distrik ka la long ka kongsan. Kane ka prokram ka la long shibynta na ka jingrakhe ia ka World Environment day, 2018.

Haba kren ha kane ka jingialang, i Kong Laloo i la ong ba kane ka pokram ka long kum ka rynsan haba la hikai ia ki paidbah kumno ban lum ia ki Solid bad Liquid Waste, Domestic Waste la ka jong ka jong bad ban buh ia ki Water Treatment Plant bad kumno ban pyntrei kam ia ki ha la iing  la sem ha ka recycling system. I la ban ruh ia ka jingdonkam jong ka jinglehkhuid kaba la long ka jingpynkynmaw ia ki paidbah ia ki bynta ba ki dei ban pyndep ha ka jingsumar ia ka mariang. I la ong ba ka sorkar ka pyrshang la ka bor jong ka ban wanrah ia ka jingkiew ha ki liang bapher bapher khamtam ha ka kam jngohkai pyrthei hynrei ka sorkar dalade kam lah ban leh bun khlem ka jingiatreilang jong ki paidbah. Ka la wer ia ka kti kadiang ka kti kamon jong ki ban warah ia ka jingkylla dur ha kane ka liang ryngkat ka jingkyrmen ban kan pynduna ia ka jingpynjaboh ia ka mariang kaba long ka jingma ka khraw ia ka long briew man briew.

I Bah Mark West Kharkongor, State Consultant, Swacch Bharat Mission i la ong ba ka Solid bad Liquid Waste ki lah ban kylla long ka spah bah lada ngi nang ban pyndonkam ia ki. I la ai ia ka Power Point Presentation ha ka phang “Kumno ban pyniakhlad ia ki Domestic, Waste, Water Treatment Plant da kaba recycle”. I la ong ba kine ki rukom trei lah ban pyntrei ha la ki iing ki sem namar kine ia ki jakhlia lah ban pyndonkam kum ka sboh bad kiwei ki bynta.

I Bah W. Syiemlieh, S. D. O., P. H. E., District Co-ordinator Swacch Bharat Mission ,Bah L.Shangdiar, Manager Sankur bad Bah R.R.Lyngkhoi ,Myntri Shnong Mawkyrwat ki la ia kren ha kane ka jingialang.

I Bah S.Lyngdoh,Assistant District Project Manager,Basin Development Unit, Mawkyrwat ruh i la ai ia ka power point presentation . I Bah L.K.Diengdoh ,E.A.C,Nodal Officer,BDU,Mawkyrwat i la pyniaid ia ka jingialang.

Ha ka ba sdang I Bah L.Dhar ,E.E.cum Member Secretary District Swacch Bharat Mission,South West Khasi Hills District i la ai ia ka jingkren pdiang bad i Bah Y.G.Lyngdoh,Executive Member,Sankur i la ia ki kyntien pynwai..