Khang

Ka jingwan jngoh U Lat Badonburom sha Mawkyrwat

14/05/2018 - 31/12/2018
Multipurpose Hall DC Office Complex Mawkyrwat

Mawkyrwat May 14th, 2018 : U Lat ba Bonburom jong ka Meghalaya, u Ganga Prasad u la wan jngoh ia ka Mawkyrwat mynta ka sngi bad u la khot ia ka Review Meeting bad baroh ki bor bahalor ki tnad sorkar bapher bapher ha ka distrik South West Khasi Hills, Mawkyrwat hapoh ka Multi-Purpose Hall, office jong u Deputy Commissioner, Mawkyrwat kaba iadei bad ka jingpyntreikam jong ki skim bad ki projek ha ka distrik. Ngi kwah ban iathuh ruh ba i bah R. L. Tongkhar, MLA, Kong Isawanda Laloo (IAS), Deputy Commissioner, South West Khasi Hills, bah H. G. Lyngdoh, Superintendent jong ki Pulit, South West Khasi Hills Distrik, Mawkyrwat bad i bah N. Syiemiong ki la don lang ha katei ka jingialang. Ha ka jingkren jong u, u Lat ba donburom u la pynpaw ia ka jingkmen jong u ba u la ioh ia ka lad ba ia don bynta ryngkat ha kane ka jingialang. U la kular ruh ba un buh jingkynmaw ia ki jingdonkam jong ka distrik. U la ong ba un sa ialeh ban weng ia ki jingeh ha ka liang ki surok namar kine ki long u budlum jong ka ioh ka kot jong ki briew. U la ban jur ruh ia ki ophisar ban iatreilang bad ki nongmihkhmat bad ki bor pyniaid distrik ha kaba iadei bad ka jingpyntrei ia ki skim bad ki projek na ka bynta ka bha ka miat jong ki paidbah bad ban pynkiew ia ka distrik sha ki kyrdan ba kham hajrong. U la ong ba ki nongtrei sorkar ki dei ban shim ia ka sien jam ban peit ia ka bha ka miat jong ki nongkyndong khamtam ki nongrep ban ai ia ki da ki lad ba kham binag ba kin lah ban pynkiew ia ka ioh ka kot jong ki. U la ban khia ruh ia ka jingkiew jong ki nongshongshnong namar ki donkam ia ka ka kti kamon ka kti kadiang. U la pynkynmaw ia ki bynta ba don jingkyrmen kaba ka jylla ka don bad kumno ban pynlong pyrthei ia kine ki jingkhmihlynti kaban iarap shibun eh ia ki nongrep. u la ai jingmut ruh ia ki nongrep ba kin sdang ban rep tit bad sohsaw bad ban pynkylla pat sha ki food processing unit bad kiwei ki jingtrei. U la khmih lynti ruh ba kane ka jingialang kan pynmih ia u soh da ka khot ia ki ophisar ban trei shitom da ka jingkut jingmut bad jingaiti lut da kaba kren ia ki kyntien jong u Kpa jong ka Jaitbynriew, u M. K. Gandhi (Bam kwai ha Dwar U Blei) “Lada ki ki nongkyndong ki kmen, ka Ri India ruh ka kmen”. ha ka jingkren jong u, u bah Tongkhar u la pynpaw ka jingbynniaw jong u ia ka jingsniew palat ki surok bad kiwei ki jingeh ha ka distrik bad ha kajuh ka por u la kyrpad ia ia u Lat ban pynpeit lem ia ki jingeh ba ki patbah ki ai kynduh. Ka la don ruh ka jing pyni na ki tnad bapher ba pher ha ka distrik. I kong Isawanda Laloo, IAS, Deputy Commissioner, South West Khasi Hills District i la ai ia ka jingkren pdiang bad u bah Rajib Bhattacharjee, DIA, NIC Mawkyrwat u la ai ia ki kyntien khublei.

Ban peit (332 KB)